На тэрыторыі Беларусі ёсць 4 аб’екты, якія ўнесены ў Спіс сусветнай спадчыны ЮНЕСКА. Гэты асаблівы статус атрымліваюць аб’екты сусветнага значэння, гэта значыць яны з’яўляюцца агульнасусветным здабыткам і належаць усяму чалавецтву. Белавежская пушча, Мірскі замак, Дуга Струвэ і Нясвіжскі палацава-паркавы комплекс у розныя гады былі ўнесеныя ў Спіс ЮНЕСКА, і яшчэ некалькі беларускіх славутасцяў чакаюць сваёй чаргі.