Мемарыяльны комплекс «Кацюша»

Віцебская вобл., г. Орша, вул. Магілёўская
  • (0)
Паведаміць пра памылку Я ўладальнік

Аўдыягід

Апісанне

Мемарыяльны комплекс «Кацюша» быў усталяваны ў Оршы ў 1966 годзе ў гонар 25-годдзя першага залпу легендарнай баявой машыны рэактыўнай артылерыі БМ-13. 14 ліпеня 1941 года эксперыментальная батарэя з сямі машын пад камандаваннем капітана Івана Флёрава нанесла ўдар па чыгуначнай станцыі «Орша» і пераправе праз Дняпро падчас наступлення немцаў. І хоць залп доўжыўся ўсяго 8 секунд і адна ўстаноўка не спрацавала, гэтага хапіла, каб цалкам разбурыць чыгуначную станцыю з нямецкімі эшалонамі. Наступ ворага на Смаленск быў прыпынены, а пазней гэтая магутная тэхніка адыгрывала вырашальную ролю ў баях за вызваленне Беларусі. Мінамётная батарэя Івана Флёрава загінула разам са сваім камандзірам праз 3 месяцы пасля першага залпу, але памяць пра іх будзе жыць заўсёды. Прыязджай у Оршу – і ты ўбачыш легендарную батарэю, застылую ў камені і метале на ўзвышаным беразе Дняпра: у лінію пастаўленыя васьмімятровыя, нацэленыя ўверх жалезабетонныя рэйкі, якія сімвалізуюць пускавыя ўстаноўкі, у цэнтры на п’едэстале размешчаны макет рэактыўнага мінамёта «Кацюша». І хоць афіцыйная назва комплексу «За нашу савецкую радзіму», ён больш вядомы пад ласкавым імем «Кацюша», ласкавым для «сваіх», але грозным і бязлітасным для ворагаў.

Iншыя месцы

Каментарыі

Загрузка карты...